Arheologtar Kaırdiń qasynda qazba jumystaryn júrgizý kezinde kóne mysyrlyqtardyń kemesin tapty
ASTANA. QazAqparat - Chehııa arheologtary Kaır mańyndaǵy qazba jumystaryn júrgizý kezinde kóne mysyrlyq kemeni tapqan.
«Ol Mysyrdyń qazirgi astanasynan ońtústikke qaraı 20 shaqyrym jerde, mysyrlyq derjavanyń kóne ortalyǵy Memfıs qalasynyń mańyndaǵy Ábýsır patshalyq qorymynyń qasyndaǵy pıramıdalar alqabyndaǵy qazba jumystary kezinde tabylǵan», - dep habarlady tilshilerge Chehııadaǵy egıptologııa ınstıtýtynyń dırektory Mıroslav Barta.
«Uzyndyǵy 18 metrden astam kemeniń aǵash qurylystary shól qumynyń arqasynda jaqsy saqtalǵan. Kemeniń jasy 4500 jyldan kem emes. Bul, shynymen de, sensatsııalyq jańalyq, ol Kóne patshalyq kezeńine jatqyzylady», - dep atap ótti ol.
