Arheologtar Frantsııada kelt hanzadasynyń mazaryn tapty
ASTANA. QazAqparat - Frantsııanyń soltústik shyǵysyndaǵy Shampanıde arheologtar kelt hanzadasynyń mazaryn tapty. Ótken jyly bastalǵan qazba jumystary bıyl, naýryzdyń sońynda aıaqtalady dep kútilýde.
Boljam boıynsha zırat osydan 2,5 myń jyl burynǵy, dep jazdy Lenta.ru. Obanyń kóldeneńi 40 metrge jetedi, al onyń ortalyǵyndaǵy jerleý bólmesiniń aýmaǵy shamamen 14 sharshy metr.
Zırattan dıametri shamamen bir metrdi quraıtyn úlken qola qazan tabyldy. Onyń tórt qulaǵy bar. Onda grektiń ózen qudaıy Aheloı sýreti beınelengen. Arystan basynyń sýreti qazannyń jan-jaǵyna salynǵan. Qazannyń ishinen arheologtar sharapqa arnalǵan keramıkalyq tostaǵandy tapty. Onda sharap qudaıy Dıonıstiń sýreti beınelengen.
