Arheologtar Eýropadaǵy jappaı kannıbalızmniń izderin anyqtady
ASTANA. Jeltoqsannyń 20-sy. QazAqparat - Arheologtarǵa qazirgi Germanııanyń ońtústik-batysynda budan 7000 jyl buryn kannıbalızmniń qoldanylǵanyn dáleldeıtin aıǵaqty anyqtaýdyń sáti tústi,
dep habarlaıdy QazAqparat BBC News saıtyna silteme jasap.
2005 jyldan 2008 jylǵa deıingi aralyqta júrgizilgen qazba jumystarynyń aıasynda ǵalymdar 500-den astam kannıbaldar qurbandarynyń qaldyqtaryn tapty. Atap aıtqanda, súıekterdiń zaqymdaný erekshelikteri, sondaı-aq tisterdiń izderi olardyń barlyǵy da adamdardyń jegenin kórsetedi. Súıekterdiń ishinde áıelderdiń de, balalardyń da qańqalarynyń qaldyqtary bolǵan.
Sonymen qatar, ǵalymdarǵa súıekterdiń termıkalyq óńdeýden ótkenin anyqtaýdyń sáti tústi. Zertteýshilerdiń aıtýynsha, olarda otqa istikpen qaqtalǵan janýarlar súıekterine uqsas izder bar.
Qazirgi Eýropa aýmaǵynda tirshilik etken taıpalardyń asharshylyq jyldary kannıbalızmdi qoldanýy ábden múmkin.
