Arheologtar Chelıabi oblysy aýmaǵynan 2 myń jyl buryn ómir súrgen adamnyń qańqasyn tapty
ASTANA. QazAqparat - Reseılik arheologtar Chelıabi oblysy «Arkaım» qoryǵyndaǵy qorymdardyń birindegi qazba jumystary kezinde 2 myń jyl buryn tirshilik keshken, bas súıegi sozylǵan adamnyń máıitin tapty.
Bul týraly TASS qoryq murajaıynyń meńgerýshisi Marııa Makýrovaǵa silteme jasap habarlady.
"Qorymdardyń birinde arheologtar qabir shuńqyryn tazalady. Odan jerlengen adamnyń máıiti tabyldy. Bas súıeginiń pishini sozylyńqy. Bul shamamen 1800-2000 myń jyl buryn ómir súrgen áıeldiń máıiti bolýy múmkin", - dedi murajaı meńgerýshisi.
Onyń sózine qaraǵanda, aldaǵy ýaqytta antropologtar máıittiń jynysy men jasyn anyqtaý úshin zertteıtin bolady.
"Qorymda temir pyshaq, usaq monshaq pen keramıkalyq qumyranyń bólshekteri tabyldy", - dep qosty Makýrova.
