Arheologııamen zańsyz aınalysýdyń jazasy qandaı
«Zańnyń 12-babyna sáıkes arheologııalyq jumystardy júrgizý qyzmeti lıtsenzııalanady. Lıtsenzııa alýǵa úmitker uıymda mindetti túrde tájirıbeli ǵalymdar men mamandar jumys isteýi tıis. Lıtsenzııany jergilikti atqarýshy organdarmen kelise otyryp, ýákiletti organ beredi. Búgingi kúni arheologııalyq qazbalardy júrgizýge 24 uıymnyń lıtsenzııasy bar. Qazbalar barysynda tabylǵan materıaldar tirkelgennen keıin memlekettik mýzeılerge tapsyrylady. Arheologııalyq izdenister aıaqtalǵannan keıin lıtsenzıat 10 kúnniń ishinde Mınıstrlikke esep beredi. Zańsyz arheologııa qazbalary úshin Qylmystyq kodeksiniń 295-babyna sáıkes jaýapkershilik qarastyrylǵan», - dep jazady ol.
Jaýap mátininde berilgen anyqtama derekterine súıensek, arheologııa salasynda zań buzýshylyq jasaǵan tulǵa jazanyń úsh túrin arqalaýy múmkin. Olar: 2000 AEK kóleminde aıyppul tóleý, 600 saǵatqa deıin merzimde qoǵamdyq jumystarǵa tartý, 2 jylǵa deıingi merzimge bas bostandyǵynan aıyrý.
Al izdestirýdiń arnaıy quraldary qoldanǵan jaǵdaıda (metall izdegishter, radarlar, magnıttik aspaptar) jaýapkershilik 5000 AEK-ke deıin nemese qoǵamdyq jumystarda 1200 saǵatqa deıin ulǵaıtylady. Sondaı-aq qylmysker 5 jylǵa deıin bas bostandyǵynan aıyrylýy múmkin.