Arheologııa ShQO-nyń mádenı brendine aınalady
ÓSKEMEN. QazAqparat - «Berel» arheologııalyq zertteý jobasynyń qatysýshysy, Materıaldyq qundylyqtar tarıhy ınýstıtýtynyń professory Nıkolaı Bokovenko búgin Óskemende ótken «Altaı - túrik áleminiń altyn besigi» atty ǵylymı-tájirıbelik konferentsııanyń jalpy otyrysynyń aldynda, ol «ómirinde alǵash ret memlekettiń óz tarıhyn saqtaýǵa degen shynaıy qamqorlyǵyn kórgenin» málim etti. Áńgime arheologııalyq qazba jumystary júrgizilgen patshalar ańǵary atanǵan Berel qorǵanyn qorǵaıtyn áınekten sarkofag turǵyzý jaıynda boldy. Reseılik ǵalym Altaı ólkesindegi qyzyqty tarıhı qundylyǵy bar arheologııalyq qazba jádigerler men tarıhı mádenıettiń sol kezdegi halyqtarǵa áseri men yqpalyna toqtaldy.
Áriptesiniń aıtqanyna qosyla otyryp Berel jobasynyń jetekshisi professor Zeınolla Samashev qorǵandy qorǵaıtyn konstrýktsııa qazba jumystaryna kedergi jasamaı birge júrgizilgenin aıtyp ótti. Ol osyndaı qorǵanys sarkofagi Eýrazııada alǵashqy bolyp ashyq aspan astyndaǵy ulttyq murajaı qurýǵa sebepshi bolǵanyn atap ótti.
Jalpy otyrysta ǵalymdar arheologııanyń, ShQO-da tabylǵan sırek mádenı muralardy saqtaý jáne mýzeıge aınaldyrý máselelerin keńinen talqylady.
Óńir basshysy Danıal Ahmetov konferentsııa barysynda Shyǵys Qazaqstan oblysynda ǵylymı-zertteý jumystaryn júrgizý barysynda zerttelgen nysandardy ıÝNESKO dúnıejúzilik muralar tizimine engizý úshin teorııalyq negiz daıyndap qana qoımaı, oblystyń mádenı brendin qalyptastyrýǵa, týrıstik áleýetin ilgeriletýge múmkinshilik beretinin atap ótti. Ol oblysta júrgizilgen qazba kezinde tabylǵan jádigerlerliń barlyǵy óńirde qaldyrylyp, tarıhı-ólkelik murajaı qoryna beriletindigin jetkizdi. 
