Arhangelsk oblysynda qyzyl qar jaýdy
ASTANA. QazAqparat - RF Arhangelsk oblysynyń Sýra aýylyndaǵy úılerdiń shatyrynda qyzyl qar paıda boldy. Jergilikti turǵyndar osyndaı qubylystyń sebebin zymyrannyń qulaýymen baılanystyrýda.
Alaıda, Pınejskıı aýdanynyń ákimshiligi málimdegendeı, qyzyl qar qylqan japyraqty aǵashtardyń búrshigi saldarynan oryn alýy yqtımal.
Mamandar qyzyl qardyń synamasyn M.V. Lomonosov atyndaǵy Soltústik (Arktıkalyq) federaldy ýnıversıtetine saraptama jasaýǵa jiberedi, dep habarlaıdy News29.ru.
Bul óńirdegi qardyń túsi birinshi ret ózgeriske ushyrap turǵan joq. 2008 jyly naýryz aıynda Arhangelsk oblysynyń bes aýdanynda sary qar jaýǵan bolatyn. Ol kezdegi qardyń túsi Volgograd jáne Kalmykııa dalaly aýdandarynan kelgen jyly aýa aǵymyna baılanysty ózgeriske ushyraǵan. Jyly aýa massasymen birge - shań men topyraq ilesip kelgen kórinedi.
