Arǵyn Nyǵmatýlındi izdeýmen Antıkor aınalysyp jatyr

ASTANA. KAZINFORM — Sybaılas jemqorlyqqa qarsy is-qımyl agenttiginiń málimetinshe Arǵyn Nyǵmatýlındi izdeý jumystary jalǵasyp jatyr.

— Qylmystyq-protsestik kodekstiń 186-baby tártibinde 7 jeltoqsanda is Bas prokýratýranyń óndirisine berildi. Osyǵan baılanysty biz tergeý barysyna qatysty túsinikteme bere almaımyz. Biraq Ákimshilik-protsestik kodekstiń 65-babynyń 1-bóligine sáıkes, izdestirý bizdiń quzyretimizde ekenin atap ótkim keledi. Atalǵan tulǵany izdeý boıynsha jedel sharalardy Sybaılas jemqorlyqqa qarsy qyzmet júrgizip jatyr, jumys jalǵasyp jatyr, ózge aqparatty jarııalaı almaımyn, — dedi Antıkordyń resmı ókili Danııar Bıgaıdarov vedomstvoda ótken baspasóz máslıhatynda. 

Onyń aıtýynsha, atalǵan jaıtqa qatysty artyq aqparat izdeýdegi tulǵanyń odan ári jasyrynyp júrýine áser etýi múmkin. 

Aıta keteıik, 3 naýryzda belgili bolǵandaı elimizdiń prokýratýra organdary burynǵy Májilis spıkeri Nurlan Nyǵmatýlınniń aǵasy Arǵyn Nyǵmatýlınge izdeý jarııalady. 

Internettegi málimetterge qaraǵanda tehnıka ǵylymdarynyń kandıdaty Arǵyn Zaırollaulynyń 20-dan astam ǵylymı jumysy, ónertabysqa arnalǵan 3 avtorlyq kýáligi bar. Birneshe ordenmen jáne medalmen marapattalǵan. Qaraǵandy oblystyq máslıhatynyń depýtaty bolǵan.

Keıin Prokýratýra organdarynyń bastama jasaýymen Sybaılas jemqorlyqqa qarsy is-qımyl agenttigi izdeý jarııalaǵan Arǵyn Nyǵmatýlınniń ústinen qandaı bap boıynsha is qozǵalǵany málim boldy.