Argentınanyń súńgýir qaıyǵy joǵalǵan aýmaqta sıgnal anyqtaldy
ASTANA. QazAqparat - Argentına áskerı-teńiz kúshteriniń joǵalǵan «San-Hýan» súńgýir qaıyǵyn izdeýge jumyldyrylǵan birneshe keme jáne ushaqtar sıgnal anyqtalǵan jaqqa qaraı jiberildi.
Bul jaıly óz saıtynda Clarin gazeti habarlady.
Onyń málimetterine qaraǵanda, izdeýdiń jańa aýmaǵy Rıo-Negro provıntsııasynyń (ortalyq Argentına) jaǵalaýlarynan 426 km qashyqtyqta ornalasqan.
Eske sala ketsek, 44 adamnan quralǵan ekıpajy bar «San-Hýan» dızeldi-elektrli súńgýir qaıyǵymen 15 qarashadan beri baılanys úzilgen.
