Argentınanyń eks-prezıdenti senatorlarǵa para usyndy degen aıyppen jaýapqa tartylýy múmkin
ASTANA. 4 qazan. QazAqparat - Argentınada prokýratýra respýblıkanyń burynǵy prezıdenti Fernando de la Rýa 2000 jyly senatorlarǵa para usyndy degen aıyppen 16 jylǵa bas bostandyǵynan aıyrý jazasyn talap etýde. Bul týraly VVS habarlady.
Tergeý amaldarynyń nusqasyna qaraǵanda, de la Rýa úkimet usynǵan jańa eńbek kodeksine daýys berý úshin parlamenttiń oppozıtsııalyq bes depýtatyn qarjylaı yntalandyrýǵa tapsyrma bergen kórinedi.
Burynǵy senatorlar men sol kezdegi úkimettiń burynǵy birneshe sheneýnigi de para berý isi boıynsha 6 jylǵa deıin bas bostandyǵynan aıyrý jazasyna kesilýi múmkin.
Fernando de la Rýa 2001jyly jappaı narazylyq aktsııasy tolqyny kezinde prezıdenttik laýazymynan ýaqytynan buryn ketken edi. Bul narazylyq sharalarynyń saldarynan polıtsııamen arada qaqtyǵystar oryn alyp, birneshe manıfestant mert boldy.
Ótken jyly Argentınanyń Joǵarǵy soty de la Rýany bul adamdardyń ólimine qatysty aıyptan bosatqan bolatyn.
