Argentınanyń úıqamaqta otyrǵan burynǵy prezıdenti aýrýhanaǵa jatqyzyldy
ASTANA. KAZINFORM — Úı qamaýynda otyrǵan Argentınanyń burynǵy prezıdenti Krıstına Fernandes de Kırshner ishi aýyryp aýrýhanaǵa jetkizildi, dep habarlaıdy TASS.
Qońyraý túsken boıda kómekke kelgen dárigerler burynǵy memleket basshysyn sybaılas jemqorlyq qylmysy úshin jazasyn ótep jatqan páterde tekserip, aýrýhanaǵa jatqyzýdy uıǵarǵan. Aýrýhanada Fernandes de Kırshnerge soqyrishek dıagnozy qoıyldy. Oǵan ota jasaldy.
Fernandes de Kırshner 2007 jyldyń jeltoqsanynan 2015 jyldyń jeltoqsanyna deıin Argentınanyń prezıdenti boldy. Al 2019 jyldan 2023 jylǵa deıin vıtse-prezıdent qyzmetin atqardy. Sot 2022 jyldyń jeltoqsan aıynda Santa-Krýs provıntsııasyndaǵy ınfraqurylymdyq jobalarǵa qatysty sybaılas jemqorlyq úshin 16 jylǵa bas bostandyǵynan aıyrdy. Aıyptaýshy tarap qylmystyq kelisimniń nátıjesinde kelisimsharttardyń kópshiligi aqshany jylystatqany úshin sottalǵan kásipker Lasaro Baeske tıesili kompanııalarǵa berildi dep sanaıdy. Eks-prezıdent kinásin moıyndamaı, ózin saıası qýǵyn-súrgin qurbany ekenin aıtqan.
Joǵarǵy sot 10 maýsymda úkimdi kúshinde qaldyrdy. Sonymen qatar Fernandes de Kırshnerge memlekettik qyzmette jumys isteýge tyıym saldy. Sot 72 jastaǵy burynǵy memleket basshysynyń jasyna jáne onyń burynǵy prezıdent retinde túrmede kezdesetin táýekelderiniń joǵarylaýyna baılanysty onyń temrtordaǵy jazasyn úıqamaqqa aýystyrdy.
Bıyl Argentına soty Krıstına Kırshnerdi memlekettik qyzmetten ómir boıyna shettetti.
Qazan aıynda Argentına prezıdenti Haver Maılı aralyq parlamenttik saılaýda jeńiske jetti.