Argentınalyqtardyń 43%-dan astamy Messıdi Prezıdent etip saılaýǵa daıyn - saýalnama
ASTANA. QazAqparat - Saýalnamaǵa qatysýshylardyń jartysyna jýyǵy «PSJ» oıynshysy jáne ulttyq qurama fýtbolshysy Lıonel Messı Prezıdent saılaýyna qatyssa oǵan daýys berýge daıyn ekenin aıtqan, dep habarlaıdy QazAqparat matchtv.ru saıtyna silteme jasap.
MSN habarlaǵandaı, Giacobbe & Asociados áleýmettik saýalnamasyna sáıkes, Katarda ótken 2022 jylǵy álem chempıonatynyń jeńimpazy bolǵan 35 jastaǵy fýtbolshyǵa respondentterdiń 43,7% daýys berdi. Onyń kandıdatýrasyna 37,8% qarsy bolǵan. Taǵy 17,5% «múmkin» optsııasyn tańdaǵan jáne respondentterdiń tek 1%-yna jaýap berý qıynǵa soqty. Saýalnamaǵa barlyǵy 2500 adam qatysty.
2022 jylǵy Álem kýbogynyń fınalynda argentınalyqtar Frantsııa quramasyn jeńdi. Matchtyń negizgi ýaqyty 2:2 esebimen aıaqtaldy. Qosymsha 30 mınýtta komandalar bir retten dop tepti, al penaltı serııasynda argentınalyq fýtbolshylar — 4: 2 nátıjesin kórsetti. Týrnır qorytyndysy boıynsha Messı eń úzdik oıynshy bolyp tanyldy.
