Argentınalyq jankúıerler ÁCh fınalynan keıin Býenos-Aıreste tártipsizdik ornatty
ASTANA. QazAqparat - Brazılııadaǵy ÁCh fınalyndaǵy Argentına quramasynyń jeńilisinen keıin Býenos-Aıres ortalyǵynda tártipsizdikter oryn aldy, dep habarlady ITAR-TASS.
Oqıǵa Toǵyzynshy shilde dańǵylynda Argentına astanasynyń sımvoly bolyp esepteletin 67 metrlik Obelısk mańynda oryn alǵan. Munda argentınalyq jankúıerler, ulttyq quramanyń jeńilgenine túńilip, dúkender men meıramhanalardyń shynylaryn buzyp, avtomobılderge tas laqtyrǵan. Ot tutatqan jaǵdaılar da bolǵan. Polıtsııa jaǵdaıdy óz baqylaýyna alýǵa tyrysýda. Tártip saqshylary kózden jas shyǵaratyn gaz ben sý atqyshtardy paıdalanýda.
Atap ótý kerek, argentınalyqtardyń basym bóligi jeńilisti laıyqty qabyldap, Brazılııadaǵy álem chempıonatynda fınalǵa shyqqan quramasynyń jaqsy oıyny úshin alǵystaryn bildirgen. Kópshiligi oıynnan keıin úıine shýsyz taraǵan.
