Argentınalyq ustazdar jappaı ereýilge shyqty
ASTANA. QazAqparat - Argentınalyq muǵalimder jappaı ereýilge shyqty. El astanasy Býenos-Aıres kóshelerine shyqqan myńdaǵan ustaz memlekettiń parlament úıinen bilim mınıstrligine deıin urandatyp kelgen, dep jazady «Habar 24».
Olar úkimetten eńbekaqynyń 35 paıyzǵa kóterilýin talap etip otyr. Bıliktegiler kásipodaq uıymdaryna jalaqyny 18 paıyzǵa kóteretinin aıtqan. Biraq narazylyq sherýge shyqqandar muny qanaǵat tutpady. Aıtýlarynsha, qosylǵan qarjy sońǵy ýaqytta oryn alǵan ınflıatsııa shyǵynynyń ornyn toltyra almaıdy.
Ótken jyldyń qorytyndysy boıynsha munda ınflıatsııa quny 40 paıyzdy quraǵan. Jergilikti basylymdardyń aıtýynsha, muǵalimderdiń 48 saǵattyq ereýilge shyǵyp ketýinen 12 mıllıon bala mektepke barmaı, barlyq qalalarda sabaq toqtaǵan.
«Osynsha adamnyń jumysyn tastap, kóshege shyqqanyna qynjylamyn. Mundaı jaǵdaı birinshi ret bolyp turǵan joq. Ereýilder buǵan deıin de ótti. Biraq nátıjesiz. Kerisinshe jaǵdaı odan ary ýshyǵady. Bir ústel basyna otyryp, ortaq sheshimge kelýge bolady ǵoı», - deıdi deıdi Argentına Prezıdenti Maýrısıo Makrı.
