Argentınalyq sharýalar 30 tonna banandy tegin taratty
ASTANA. QazAqparat - Argentınalyq sharýalar ereýildiń erekshe túrin uıymdastyrdy, dep jazady regnum.ru
Ekvadorlyq banannyń elge ımporttalýyna qarsy sharýalar el astanasy Býenos-Aırestiń ortalyq alańynda, 30 tonna banandy tegin taratty. Olar osylaı ózderiniń qarsylyqtaryn bildirmek bolǵan.
Oǵan qosa árbir alýshyǵa ózderiniń qıyn ahýaly jaıly jazylǵan paraqshalar taratty. Dıqandar federatsııasy basshylyǵynyń aıtýynsha, elge ımporttalatyn 450 myń tonna ónim sharýalardyń kásibine keri áser etedi. Óıtkeni osydan keıin jergilikti fermerlerdiń jemisi ótpeı qalady.
