Argentınalyq qorǵaýshy Krıstıan Gomes fýtbol matchy kezinde qaıtys boldy
ASTANA. QazAqparat - Argentınalyq "Atletıko Parana" qorǵaýshysy Krıstıan Gomes "Boka Ýdınospen" kezdesýi kezinde qaıtys boldy. Bul týraly Ole basylymy habarlady.
Fýtbolshy alańda qulap qalǵan. Tóreshi oǵan medıtsınalyq kómek kórsetý úshin birden oıyndy toqtatady, artynsha Gomes aýrýhanaǵa jetkizilip, keıinnen júrek talmasynan kóz jumǵan.
Bul alańda oıynshy qaza tapqan birinshi jaǵdaı emes. 5 mamyrda "San-Martın de Býrsako" klýbynyń fýtbolshysy Emanýel Ortega oıyn barysynda basynan aýyr jaraqat alyp, qaıtys bolǵan edi.
11 mamyrda "Bershot Vılreık" tórtinshi belgııalyq dıvızıony klýbynyń oıynshysy Tım Nıko oıyn barysynda júrek talmasynan kóz jumǵan.
Sondaı-aq, sáýir sońynda belgııalyq fýtbolshy, "Lokerena" qorǵaýshysy Gregorı Mertens «Genk» komandasymen oıyn ýaqytynda júrek talmasy ustap, qaza tapqan bolatyn, dep jazdy TASS .
