Argentınalyq bapker Ispanııa chempıonatynda rekord ornatty

ASTANA. KAZINFORM — Fýtboldan «Atletıko» (Madrıd) klýbynyń bas bapkeri, argentınalyq Dıego Sımeone Ispanııa chempıonatynda rekordtyq nátıjege qol jetkizdi.

Shampionat.com saıtynan alynǵan málimetke qaraǵanda, D.Sımeone madrıdtik klýbtyń bas bapkeri retinde 700 match ótkizdi.

Osylaısha, 54 jastaǵy Sımeone La Lıgada bir komandada 700 resmı oıyn ótkizgen alǵashqy jattyqtyrýshy boldy.

Fýtbolshy retinde Argentına quramasymen birge Atlanta Olımpıadasynyń kúmis júldegeri atanyp, úsh álem chempıonatyna qatysqan Dıego Sımeone «Atletıkony» 2011 jyldyń jeltoqsanynan beri baptap keledi. Osy kezeńde komandasymen birge 413 jeńiske qol jetkizip, 156 ret teń oınady. 131 kezdesýde qarsylastaryna ese jiberdi.

«Atletıkomen» birge argentınalyq maman Ispanııa chempıonatyn eki ret, eldiń kýbogy men sýperkýbogyn, qos dúrkin Eýropa Lıgasy men ÝEFA sýperkýbogyn utyp aldy. Sondaı-aq «Atletıko» eki ret Chempıondar lıgasynyń fınalynda oınap, ekeýinde de madrıdtik «Realǵa» jol berdi.

«Atletıko» jańa maýsymda 14 matchtan keıin 29 upaı jınap, týrnır kestesinde ekinshi orynda keledi.

Eske sala keteıik, budan buryn «Astana» klýbynyń alǵash ret lıga kýbogynyń chempıony atanǵanyn jazǵan bolatynbyz.