Argentınaǵa baratyn jeńimpazdar anyqtaldy
ALMATY. 31 mamyr. QazAqparat /Názıra Eleýhan/ - Búgin Almatyda «KaR-Tel» JShS (Qazaqstandaǵy Beeline brendi) jáne Qazaqstan tennıs Federatsııasy
Beeline abonentteri men BAQ arasynda úlken tennısten Argentınada ótetin Qazaqstan men Argentına quralamaly arasyndaǵy Devıs Kýbogy úshin jarysqa qazaqstandyq jankúıerlerdiń quramynda barý quqyǵyna ıelik beretin saıys qorytyndysyn jarııalady.
Esterińizge sala ketsek, «Eıs - Argentınaǵa ushý» SMS-vıktorınasy men BAQ arasyndaǵy otandyq tennıs týraly úzdik materıaldar saıysy bıylǵy jyldyń 5 mamyrynda bastalǵan bolatyn. Oǵan BAQ ókilderimen qatar, Beeline abonentteri ǵana qatysýǵa múmkindik aldy. Buǵan deıin habarlaǵanymyzdaı, saıys sharttary boıynsha suraqtarǵa kóbirek durys jaýap bergen qatysýshy 7-9 shildede Býenos-Aıreste ótetin Argentına men Qazaqstan quramalary arasynda bolatyn Devıs Kýbogi jarysyn tamashalaý quqyǵyn beretin júldege ıe bolady. Sondaı-aq, ekinshi júlde qazaqstan tennısi týraly úzdik maqala jazǵan tilshilerge de ýáde etilgen bolatyn.
Sonymen saıystyń bas júldesin Beeline abonentteri arasynan astanalyq Jiger Ázbergenov esimdi jigit jeńip aldy.
Al, BAQ arasyndaǵy júlde eki atalym - jeke jáne toptyq atalymdary boıynsha berildi. Jekeleı saıys boıynsha ótken joldamany Almaty telearnasynyń jýrnalısi Raýan Oqas jáne "Megapolıs" gazetiniń sport sholýshysy Leonıd ıÝrev jeńip aldy. Al toptyq júldeler «Egemen Qazaqstan» gazeti men «TennisLife» jýrnalynyń redaktsııalaryna buıyrdy.
Uıymdastyrýshylardyń aıtýynsha, «Eıs - Argentınaǵa ushý» SMS-vıktorınasyna 2872 Beeline abonentteri qatysyp, árqaısysy 32 suraqqa jaýap bergen. Al BAQ ókilderinen 18 tilshi belsene qatysqan.
