Argentınada jańa prezıdent saılandy
NUR-SULTAN. QazAqparat - Argentına prezıdenttigine oppozıtsııalyq úmitker Alberto Fernandes el basshysy bolyp saılandy, dep habarlaıdy QazAqparat BBC News-ke silteme jasap.
Daýys berýshilerdiń 47,29% daýysyn jınaǵan Alberto Fernandes pravotsentrıstik kúshterdiń ókili, eldiń qazirgi prezıdenti Maýrısıo Makrıden oza tústi. Saılaý barysynda Makrıge 41,30% daýys berilgen.
BBC News málimetinshe, saılaý kúrdeli ekonomıkalyq daǵdarys jaǵdaıynda ótken. Agenttiktiń málimetinshe, Argentına halqynyń úshten bir bóligi kedeılik shegine shyǵyp otyr.
Reuters agenttiginiń málimetinshe, Alberto Fernandes jaqtaýshylaryna burynǵy prezıdentpen jan-jaqty yntymaqtastyqta bolatynyn atap ótti.
Prezıdent Makrı «nóldik kedeılikke» qol jetkizýge ýáde bergenmen, ol eldi basqarǵan tórt jyl ishinde jaǵdaı odan saıyn nasharlap ketken.
