Argentınada ushaq qonǵaly jatqanda dronmen soqtyǵysty
ASTANA. QazAqparat - «Aerolineas Argentinas» kompanııasynyń ushaǵy senbi kúni Býenos-Aırestegi Horhe Nıýberı atyndaǵy halyqaralyq áýejaıda qonýǵa kele jatyp, dronmen soqtyǵysty. Avıatasymaldaýshy kompanııa ókilderiniń habarlaýynsha, ushaqqa azdaǵan zııan kelgen. Bul týraly TASS agenttigi jazdy.
«Aerolineas Argentinas Trelıýge bara jatqan AR1865 reısinde jaısyz oqıǵa bolǵandyǵyn habarlaıdy, ushaq qonatyn kezde dronǵa soqtyǵysty»,-delinen avıakompanııanyń habarynda.
Oqıǵanyń saldarynan borttaǵy adamdardyń eshqaısysy da zardap shekken joq.
Kompanııa ókilderi ushaqty tolyqtaı tekserýden ótkenshe paıdalanýǵa shekteý qoıylǵandyǵyn atap ótti. Qazirgi tańda bılik ókilderi áýejaılardyń mańynda paıdalanýǵa tyıym salý erejesin buzǵan dronnyń ıesin izdestirýde.
