Argentınada ushaq apatynda barlyq 22 jolaýshy qaza tapty
ASTANA. 19 mamyr. QazAqparat - Sol avıakompanııasynyń Saab 340 eki motorlyq ushaǵy Argentınadaǵy ońtústik Patagonııada apatqa ushyrady. Aldyn ala málimetter boıynsha, ekıpajdyń barlyq múshesi men jolaýshylary qaza boldy,
dep habarlaıdy Ýtro.ru.
Avıatasymaldaýshy kompanııa resmı ókiliniń aıtýynsha, Neýkennen Komodoro-Rıvadavııaǵa bet alǵan 40 oryndyq ushaq Argentınanyń astanasy Býenos-Aırestiń ońtústik-batysyna qaraı 1850 shaqyrym jerde apatqa ushyraǵan.
Aqparat kóziniń naqtylaýynsha, ol munaıgaz kompanııasy qyzmetkerlerine arnalǵan charterlik sapar bolatyn. Ushaq bortynda 19 jolaýshy, onyń ishinde kámeletke tolmaǵan bir bala, sondaı-aq quramynda eki ushqyshy men bir stıýardessasy bar ekıpaj bolǵan.
Ushaq Neýkennen jergilikti ýaqyt boıynsha 20:08-de (Astana ýaqyty boıynsha 01:08) ushady. 20:50-de ushqysh jermen baılanysyp, dıspetcherge motordyń aqaýy jóninde habarlaǵan. Odan keıin ekıpaj baılanysqa shyqqan joq. Kýágerlerdiń aıtýynsha, 22:35-te ushaq Praýanııeý eldi mekeni mańyna qulap, sol jerde jarylyp ketken.
