Argentınada sý tasqyny saldarynan alty myń adam qaýipsiz jerge kóshirildi
ASTANA. QazAqparat - Nóserli jaýyn men sý tasqyny Argentına bıligin eldiń ortalyq aýdanynyń 60 myńǵa jýyq adamyn kóshirýine májbúr etti.
Bul týraly RIA «Novostı» habarlady.
Qutqarý qyzmetteriniń derekterine súınesek, tolastamaı jaýǵan jańbyr saldarynan bir adam qaza taýyp, bir adam habar-osharsyz ketken, dep atap ótti La Segunda portaly.
Kordoba, Santa-Fe, San-Lýıs jáne Santıago-del-Estero provıntsııalaryna kóp zaqym keldi. Taıaýda Salta, Chako men Korrentes provıntsııalary zardap shegýi múmkin. Santıago-del-Estero provıntsııasynda Rıo-Dýlse ózeniniń tasýy saldarynan kem degende 3,5 myń adamnyń múlki zaqymdandy.
Greenpeace ekologııalyq uıymy ońtústikamerıkalyq eldiń ortalyq bóliginde oryn alǵan sý tasqyny ormannyń biraz bóligin joıǵanyn málimdedi.
