Argentınada sý tasqynynan 10 adam qaza tapty

ASTANA. KAZINFORM – Argentınanyń Býenos-Aıres provıntsııasyndaǵy Baııa-Blanka qalasynda sý tasqyny boldy. Bul týraly Infobae habarlady.

су тасқыны
Фото: infobae.com

Tabıǵı apat saldarynan on adam qaza taýyp, 1,3 myńnan astam adam qaýipsiz jerge kóshirildi. Qazir áskerıler jergilikti halyqqa kómek kórsetýde, al qala basshylyǵy jaǵdaıdy qıyn dep baǵalap otyr.

Sý tasqynyna keıingi 24 saǵat boıy tolassyz jaýǵan jańbyr sebep bolǵan. Oqıǵa saldarynan qalada baılanys pen elektr qýaty úzildi. Tótenshe jaǵdaıǵa baılanysty qala áýejaıy jabylǵan. Qalaǵa baratyn keıbir joldar qatty zaqymdanǵan. Aldaǵy ýaqytta qalada jańa naızaǵaıly front ótpek. 

Tótenshe jaǵdaıǵa baılanysty el prezıdenti Haver Mıleı Baııa-Blankaǵa barýdy josparlap otyr.

Aıta keteıik, Argentınanyń Vılıa-Gessel qalasynda (Býenos-Aıres provıntsııasy) apartamenttik qonaqúı ornalasqan on qabatty ǵımarat qıraǵanyn jazǵan edik. 

Сейчас читают