Argentınada sý tasqyny saldarynan 7500-den astam adam evakýatsııalandy

ASTANA. KAZINFORM — Argentınanyń shyǵysynda, Býenos-Aıres provıntsııasynda úsh kúnnen beri nóser jaýyn saldarynan bolǵan sý tasqyny jalǵasýda, dep habarlaıdy DW. 

Sheneýnikter jeksenbi kúni aýdanda bir sharshy metrge 400 mm-ge deıin jaýyn-shashyn túskenin, aılyq norma ortasha eseppen 45 mm bolǵanyn aıtty. Meteorologtardyń boljaýynsha, jaýyn-shashyn jáne ekpindi jel jalǵasady.

7500-den astam adam evakýatsııalandy, dep habarlady jergilikti bılik. 300-ge jýyq órt sóndirýshi, azamattyq qorǵanys kúshteri men polıtsııa qyzmetkerleri jumyldyrylǵan. Adamdardy qutqarý úshin olar rezeńke qaıyqtardy qosa alǵanda, qolda bar barlyq sý kóligin paıdalanyp jatyr.

Tabıǵat apatynan Kampana men Sarate qalalary zardap shekti. Sonymen qatar, Býenos-Aırestiń mańyndaǵy keıbir aýdandar, tas joldar men aýylsharýashylyq jerleri sý astynda qaldy. Kampanada birneshe otbasy túnniń bir bóligin sý basqan úıleriniń tóbesinde ótkizdi. 44 jolaýshy mingen avtobýs memlekt astanasyn eldiń ishki aımaqtarymen baılanystyratyn joldardyń birinde 10 saǵattan astam turyp qalǵan.

Býenos-Aıres provıntsııasynyń gýbernatory Aksel Kısılof aýa raıynyń alapat anomalııasyna klımattyń ózgerýi sebep bolǵanyn aıtty.

Eske sala keteıik, Argentınada Gıtlerdiń qoly qoıylǵan qujattar tabyldy.