Argentınada qylmyskerler 30 sekýndtyń ishinde bankti tonap ketti
ASTANA. QazAqparat - Býenos-Aıresten nebári 30 shaqyrym jerdegi Tıgre qalasynda qaraqshylarǵa bankten 750 myń pesony alyp ketýge jarty mınýt qana kerek bolǵan.
Argentınalyq "Todo notısıas" telearnasynyń habarlaýynsha, betterin tumshalaǵan baýkespeler bankke Mercedes avtomobılimen kelgen. Olar shyny esikti qıratyp, ishke kirgen de aqshany jymqyryp ketken.
Banktegi urlyq nebári 24 sekýndqa sozylǵan.
Telearnanyń derekterine qaraǵanda, urlyq kezinde myltyq atylmaǵan. Bankiniń shyǵyny 750 myń peso ($47 myń).
Polıtsııanyń málimdeýinshe, qylmyskerler banktiń mańyndaǵy birneshe úıden keıin mashınany tastap, ózge kólikke minip ketken.
