Argentınada kún ysyp ketti
ASTANA. 22 jeltoqsan. QazAqparat - Ońtústik jartysharda jazdyń bastalýymen Argentınanyń ortalyq jáne soltústik bóliginde buryn-sońdy bolmaǵan aptap ystyq bastaldy.
Elde jeldetkishterdi, aýa baptaǵyshtardy jáne tońazytqyshtardy paıdalanýdyń kóbeıýinen elektr energııasyn tutyný shuǵyl artyp ketti. Sársenbi kúni 15:00-de (máskeý ýaqytymen 22:00) Santıago-del-Estero, Týkýman, Chako, Formosa, Katamarka qalalarynda kúnniń ystyǵy +44 gradýsqa jetti. Býenos-Aıreste - +36 gradýs shamasynda.
Argentına astanasynyń kósheleri túste jym-jyrt, adamdar úıden shyqpaýǵa tyrysady. Dárigerler halyqqa spırttik ishimdikterge áýes bolmaýǵa, salqyndaý jerde bolýǵa keńes berýde.
