Argentınada koronavırýs órship tur
NUR-SULTAN. QazAqparat - Argentınada Sovid-19 vırýsyn juqtyrýshylar sany artyp keledi,-dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Ondaǵy málimetterge qaraǵanda, ótken táýlikte Argentınada koronavırýs juqtyrýdyń 20 myńnan astam jaǵdaı anyqtaldy.
Argentınanyń Densaýlyq saqtaý mınıstrliginiń málimetinshe, sońǵy 24 saǵat ishinde vırýs juqtyrǵandardyń sany 21 436 jaǵdaıǵa artty.
Nátıjesinde SARS-CoV-2 tasymaldaýshylarynyń jalpy sany 3 753 609 qurady. Pandemııa bastalǵannan beri Argentınada COVID-19-dan qaıtys bolǵandar sany 77 456 adamǵa jetti. Epıdemııalyq jaǵdaıdyń nasharlaýyna baılanysty Argentına bıligi mamyr aıynyń sońyna deıin qatań lokdaýn engizdi.
