Argentınada kedeılik sheginde ómir súretinder sany artty
ASTANA. KAZINFORM — Argentınada 2026 jyldyń alǵashqy alty aıynda kedeılik deńgeıi 28,2%-dan 32,3%-ǵa ósti. Bul týraly eldiń Ulttyq statıstıka jáne halyq sanaǵy ınstıtýty jarııalaǵan málimetterde aıtylǵan, dep habarlaıdy BelTA.
Zertteý nátıjesine sáıkes, kedeılik sheginen tómen ómir súrip jatqan otbasynyń úlesi 24,4%-ǵa jetken. Bul topqa halyqtyń 32,3%-y nemese shamamen 9,7 mln adam kiredi. Al asa kedeılik sheginde qalǵandardyń úlesi 5,6% bolsa, olardyń quramyndaǵy halyqtyń úlesi 7,5% boldy.
Statıstıka ınstıtýty eldegi 31 qalalyq aglomeratsııadaǵy jaǵdaıdy zerttegen. Zertteý boıynsha kedeılik sheginen tómen ómir súretin adamdar sany 9,7 mln-ǵa jetken. 2025 jyldyń sońynda bul kórsetkish 8,5 mln adam bolǵan.
2025 jyldyń qyrkúıeginde Argentına katolık ýnıversıtetiniń zertteýshileri kedeıliktiń tómendeý aýqymyna kúmán keltirgen. Olar tabys týraly derekterdi jınaý ádistemesiniń ózgergenin jáne negizgi tutyný sebetin esepteý kezinde 2004–2005 jyldardaǵy tutyný qurylymyna negizdelgen formýlanyń qoldanylǵanyn atap ótken.
Eske sala keteıik, Tájikstanda kedeılik deńgeıi 83%-dan 19%-ǵa deıin tómendedi.
