Argentınada qarýly qaraqshylar tutas qalany tonap ketti
ASTANA. QazAqparat - Qarýlanǵan qaraqshylar toby Argentınada tutastaı qalany tonap ketti. Tórt qylmysker ákimdikti, bank, poshta bólimshesin, sotty, tipti polıtseı ýchaskesin tonap ketken.
Rosbalt habarlaǵandaı, oqıǵa eldiń shyǵysyndaǵy Santa-Fe provıntsııasynyń Bernardo-de-Irıgoıen qalasynda oryn aldy, jergilikti turǵyndar sany 1,8 myń adamdy quraıdy. Aldymen olar polıtseı ýchaskesine shabýyldap, olardyń qarýlaryn tartyp alǵan, keıinnen aqsha bar degen jerlerdi tonaǵan. Tipti jergilikti sýdıanyń ámııanyn da tartyp alǵan.
Sýdıanyń málimdeýinshe, qylmyskerler 1 mıllıon peso (65 myń dollar) zeınetaqy qarjysyn alýdy kózdegen. Alaıda bandylardyń joly bolmady, sebebi júk tasýshylar aqshany poshtaǵa aparyp úlgermegen. Olardyń oljasy nebary 250 myń peso (16 myń dollarǵa jýyq) boldy.
Polıtsııa urylardy ustaý sharasyn uıymdastyrdy. Bir qylmysker óltirildi. Úsheýi aqshany alyp, boı tasalap úlgerdi. Olardy izdestirý jalǵasýda.
