Argentınada ınflıatsııa sońǵy 30 jylda alǵash ret 100% asyp tústi
Sońǵy bir jylda eldegi baǵa eki eseden astam ósti. Bul - 1990 jyldar basyndaǵy gıperınflıatsııadan keıin birinshi ret bolǵan jaǵdaı.
Argentına uzaq jyldar boıy ekonomıkalyq qıyndyqtardy bastan keshirip keledi jáne mundaǵy halyqtyń kópshiligi kedeıshilikte ómir súrip jatyr.
El úkimeti azyq-túlik pen basqa da taýarlar baǵasyn shekteý arqyly ınflıatsııany ustaýǵa tyrysýda.
Oǵan qaramastan azyq-túlik pen alkogoldiń baǵasy aıtarlyqtaı kóterildi. Bıylǵy aqpan aıynda ǵana qańtar aıymen salystyrǵanda ósim 9,8%-dy quraǵan.
Argentınalyq BAQ baǵanyń kúrt kóterilýine basty sebep - et baǵasy dep shamalap otyr.
Bir aıdyń ishinde ol 20%-ǵa qymbattaǵan.
«Kún raıynyń qolaısyzdyǵy, uzaqqa sozylǵan aptap ystyq pen qurǵaqshylyq (qazir Argentınada kúzdiń basy) mal sany men eginge aıtarlyqtaı áser etti» dep habarlaıdy jergilikti Ambito aqparat agenttigi.
Qazir Argentınada 1000 peso - eń iri aqsha belgisi.
Argentına úkimetiniń ınflıatsııany tejeý áreketine el basshylyǵyndaǵy qaıshylyqtar kedergi keltirip otyr.