Argentınada ejelgi sútqorektiniń tasqa aınalǵan alyp jumyrtqasy tabyldy
ASTANA. QazAqparat - Argentınada Býenos-Aıres mańynda jergilikti turǵyn ejelgi sútqorektiniń alyp jumyrtqasyn tapty. Todo Noticias telearnasy habarlaǵandaı, ózen saǵasynda jatqan zatty er adam avtomobıl bólshegi dep oılap qalǵan.
Oqıǵa ornyna kelgen mamandar tabylǵan jumyrtqany ólshedi. Onyń bıiktigi shamamen bir metr, dıametri eki metrdeı bolyp shyqty. Ǵalymdardyń pikirinshe, bul glıptodonttyń jumyrtqasy bolýy múmkin.
Glıptodonttar Soltústik jáne Ońtústik Amerıka aýmaǵynda mekendegen. Olar on myńǵa jýyq jyl buryn qyrylǵan. Janýardyń uzyndyǵy shamamen úsh metrge deıin jetken. Sondaı-aq onyń kóptegen súıek tilimderiniń bir-birine bite ósýinen qalyptasqan saýyty bolǵan.
