Argentınada esirtki tasymaldaǵan ushaqty atyp túsirdi
ASTANA. QazAqparat - Argentınalyq kúsh qurylymynyń qyzmetkerleri bortynda birneshe tsentner marıhýana tıelgen esirtki saýdalaýshylardyń ushaǵyn atyp túsirdi, dep habarlaıdy Terra Argentina agenttigi eldiń qaýipsizdik mınıstri Patrısıo Býllrıchke silteme jasap.
Jandarmerııa qyzmetkerlerine áýe arqyly esirtki kontrabandasynyń tasymaly týraly jedel aqparat túsken. Kúsh qurylymynyń qyzmetkerleri Býenos-Aıres provıntsııasyndaǵy Dýggan qalasynyń aımaǵyna qonǵan ushý apparatyn ustady. Polıtsııa qyzmetkerleri oq jaýdyrǵanymen, ushqysh ushaqtyń zaqymdanǵanyna qaramastan joǵary kóterildi. Al 32 shaqyrym ushqannan keıin, ushqysh avarııalyq qonýdy iske qosyp, ózi jasyrynyp úlgeredi. Áýe kemesiniń bortynan polıtsııa qyzmetkerleri 455 keli marıhýana tapty.
Mınıstrdiń málimetinshe, tárkilengen esirtki partııasynyń qara bazardaǵy quny shamamen 910 myń dollardy quraıdy. «Shóp» Paragvaıdan áýe arqyly jetken degen boljam bar.
Tekserý barysynda alty adam ustaldy, alaıda olardyń qatarynda ushqysh joq bolyp shyqty.
