Argentınada buryn-sońdy bolmaǵan ystyq tirkeldi
ASTANA. QazAqparat – Argentınada buryn-sońdy bolmaǵan ystyq tirkeldi. Rekordtyq dárejege deıin kóterilgen temperatýradan egin qýrap, orman órtteri tarap, onsyz da jaǵdaıy máz emes el ekonomıkasyna qysym artyp jatyr. Bul týraly QazAqparat CNN-ge silteme jasap habarlaıdy.
Álem boıynsha tótenshe aýa raıyn baqylaıtyn klımatolog Maksımılıano Erraranyń sózinshe, elde jeltoqsannan aqpanǵa deıin jalǵasqan jaz baqylaý tarıhyndaǵy eń ystyq jaz bolǵan. Naýryz jaǵdaıdy jeńildetken joq. Ulttyq meteorologııa qyzmetiniń málimetinshe, Argentınanyń shyǵys-ortalyq bóliginde aýa temperatýrasy naýryzdyń alǵashqy 10 kúninde normadan 8-10 Tselsııa gradýs joǵary bolǵan. Býenos-Aıreste 28 aqpannan beri kún saıyn termometr baǵany 30 Tselsııa gradýstan asady. Argentınanyń túkpir-túkpirinde naýryzda keıingi 63 jylda bolmaǵan eń joǵary temperatýra tirkelip jatyr.
Ǵalymdardyń pikirinshe, álem boıynsha temperatýra ósip jatqandyqtan, aptap ystyq ǵalamshar bólikterinde jıi bolyp turady.
