Argentınada belgisiz sebeppen qyrylǵan 20-dan astam delfınniń denesi jaǵaǵa shyǵyp qalǵan
ASTANA. QazAqparat - Argentınalyq ǵalymdar delfınderdiń jappaı qyrylý sebepterin anyqtap jatyr.
Sońǵy kúnderi Býenos-Aıres (Argentına) jaǵajaılarynda jıyrmadan astam óli delfın tabyldy. Buǵan beı-jaı qaraı almaǵan Mundo Marino qorynyń ǵylymı qyzmetkerleri delfınderdiń qyrylý sebepterin anyqtap jatyr.
"17 óli delfınniń denesin zerttep jatyrmyz. Býenos-Aıresten tabylǵan qalǵan sý jándikteriniń denesi zertteý úshin jaramsyz bolyp qaldy. Delfınderdiń qyrylýyna ne sebep bolǵanyn anyqtaýǵa tyrysamyz", - dep jazdy qor ókilderi Facebook jelisindegi resmı paraqshasynda.
Delfınderdiń basym bóliginde balyqshynyń aýynan qalǵan izder bar ekeni atalyp ótildi. Ekologtar jergilikti turǵyndardy óli delfınderdi tapqan jaǵdaıda dereý habarlap, sýretterin jiberýdi surady.
Argentına, Brazılııa jáne Ýrýgvaı jaǵalaýlarynda mekendeıtin frantsıskandyq delfınder popýlıatsııasynyń sany qyryq myńǵa jýyq. Alaıda jyl saıyn júzdegen delfın túrli sebeptermen qyrylyp jatyr.
