Argentınada alapat órtten eldiń jartysy jaryqsyz qaldy
BÝENOS-AIRES. QazAqparat – Argentına aýmaǵynyń jartysynan astamy órtten keıin jaryqsyz qaldy, dep habarlaıdy QazAqparat BBC News-ke silteme jasap.
El astanasy Býenos-Aıres qana emes, basqa da iri qalalar, sondaı-aq aýyldyq jerler de tas qarańǵyda qaldy.
Órt ashyq alańda bastalyp, jaǵalaý aýmaǵyndaǵy elektr jelilerin sharpyǵan jáne atom elektr stansasyn isten shyǵardy. Elektr energııasy Argentınadaǵy qatty ystyq pen qýańshylyq kezinde óship ketti. Ońtústik Amerıka elderinde qazir jaz aılary bolǵandyqtan eldiń birneshe bóliginde temperatýra únemi 35 gradýstan asady.
Aptap ystyq pen elektr energııasynyń óshýinen birqatar óńirdegi mektepterde sabaqtar toqtap, kásiporyndar jabyldy. Elektr energııasynyń sóndirilýinen zardap shekken kóptegen turǵyndar kondıtsıonersiz jáne muzdatqyshsyz otyr. Bárinen de iri qalalar zardap shekti: 150 000 adam Býenos-Aıreste áli de jaryqsyz qalýy múmkin.
Energetıka mınıstrligi taıaýda elektr energııasy beriledi dep málimdedi. Argentınada mundaı jaǵdaı jıi bolyp turady.
