Argentına jaǵajaıynda 60 adam pıranıalardyń shabýylynan zardap shekti
ASTANA. 26 jeltoqsan. QazAqparat - Argentınanyń Rosarıo qalasynda pıranıa (balyqtyń túri red.) tistegen 60 adam zardap shekti, dep habarlady jergilikti bılik ókilderi.
Atalǵan jaǵdaı Parana ózeniniń jaǵasynda ornalasqan qalalyq jaǵajaıda oryn aldy. Sońǵy on kúnde Argentınanyń ortalyq provıntsııalarynda, sonyń ishinde Rosarıo qalasy ornalasqan Santa-Fe provıntsııasynda 38 gradýsqa deıin ystyq bolyp tur. Sol sebepti kóptegen jergilikti turǵyndar rojdestvolyq demalystaryn Parana jaǵajaıynda ótkizýde.
«Barlyǵy 60 adam zardap shekti», - dedi qalalyq densaýlyq saqtaý basqarmasy basshysynyń orynbasary Gabrıela Kıntanılıa. Onyń sózine qaraǵanda, zardap shekkenderdiń arasynda jeteýi balalar, olardyń ekeýi aýyr jaraqattanǵan. Balyqtar kóbinese adamdardyń qolynan tistegen, dep habarlaıdy «Novostı».
Atap óteıik, pıranıalardyń úshburyshty bolyp keletin úshkir tisteri tistegendi ońdyrmaıdy. Nemis zoology Alfred Brem óziniń «Janýarlar ómiri» atty ǵylymı jumysynda «Pıranıalar aldyna kelgen kez kelgen janýarǵa, tipti ózinen 10 ese balyqtarǵa da shabýyldaıdy. Ol ol ma, qoltyraýynnyń ózi bir top pıranıalardyń aldynda taısalyp, kórgen boıy qasha jóneledi» dep jazady.
