Argentına táýelsiz Palestına memleketin tanydy - «Azattyq» radıosy
ASTANA. 7 jeltoqsan. QazAqparat - Brazılııanyń sońyn ala Argentına eli de, Izraıl Gaza Sektory men Iordannyń Batys jaǵalaýyn basyp alǵanǵa deıingi, ıaǵnı 1967 jylǵy shekaranyń aıasynda táýelsiz Palestına memleketin tanıtynyn málim etti.
Bul týraly dúısenbi kúni Argentınanyń Syrtqy ister mınıstrligi habarlady. Brazılııa memleketi te osyndaı qadamy týraly ótken juma kúni jarııa etken bolatyn, dep habarlaıdy «Azattyq» radıosy.
Izraıl bul eki eldiń sheshimin «ókinishke laıyq» sheshimder dep atap, Izraılmen beıbit kelissózdiń nátıjesinde ǵana Palestına aýmaǵynda táýelsiz memlekettiń paıda bolýy múmkin ekenin, al ol kelissózdiń aýyly ázirge alys ekenin atap kórsetti.
Dıplomatııalyq derekkózderdiń málimetteri boıynsha, Latyn Amerıkasynyń taǵy eki eli - Ýrýgvaı men Paragvaı - jaqyn arada Palestına memleketin tanýǵa ázir otyr.
