Argentına prezıdenti densaýlyǵyna baılanysty ýaqytsha qyzmetin atqarýdy toqtatady
ASTANA. 6 qazan. QazAqparat - Argentına prezıdenti Krıstına Fernandes de Kırshner densaýlyq jaǵdaıyna baılanysty ýaqytsha memleket basshysy mindetterin oryndaýdy toqtatady. Bul týraly RBK Argentına prezıdentiniń baspasóz qyzmetine silteme jasap habarlady.
Prezıdent mańaıyndaǵy derekkózdiń aıtýynsha, qazirgi kezde K.Fernandes de Kırshner kardıohırýrgııalyq medıtsına ortalyǵynda tekserýden ótýde.
2012 jyly K.Fernandes de Kırshnerde qalqansha beziniń qaterli isigi anyqtalyp, ony alyp tastaý boıynsha operatsııa jasalǵan bolatyn. Keıinnen dárigerler dıagnozdyń durys qoıylmaǵanyn, Argentına prezıdenti qalqansha bezi qaterli isigi dertine ushyramaǵany týraly habarlady.
