Argentına prezıdenti barlaý qyzmetin taratýǵa nıetti
ASTANA. QazAqparat - Argentına prezıdenti Krıstına Fernandes Kırshner eldiń barlaý qyzmetin taratyp, jańa agenttik qurǵysy keletinin málimdedi, dep jazady VVS.
Ulttyq telearnadan sóz sóılegen ol tıisti zań jobasy parlamentke jiberiletinin habarlady. Prezıdenttiń aıtýynsha, qazirgi barlaý qurylymy hýnta ýaqytynan beri ózgermegen.
Bı-bı-sı tilshisi habarlaǵandaı, prezıdent málimdemesin 1994 jyly Býenos-Aıreste Evreı mádenı ortalyǵynda oryn alǵan jarylys jaıyndaǵy isti júrgizgen prokýror Alberto Nısmannyń qupııa óliminen keıin habarlap otyr. El kongresiniń tyńdaýynda sol oqıǵaǵa qatysty kúdiktilerdiń esimi atalýy tıis.
