Argentına prezıdenti aýrýhanaǵa túsip qaldy
ASTANA. QazAqparat - Argentına prezıdenti Krıstına Kırshner jilinshigin shyǵaryp alýyna baılanysty rojdestvolyq demalysyn toqtatty.
Buenos Aires Herald gazetiniń aqparaty boıynsha, prezıdent aıaǵyn Santa-Krýs provıntsııasynda demalyp jatqan kezinde qaıyryp alǵan. Dárigerler memleket basshysynyń aıaǵynyń jilinshigi arasyndaǵy sińirlerin sozyp alǵanyn anyqtady. Kırshner Býenos-Aıresqa qaıtyp kelýge májbúr bolǵan. Sebebi Santa-Krýsta mereke kezinde jumys isteıtin tomograftar tabylmaǵan. Qarashada bul prezıdent ishekteriniń qabynýyna baılanysty aýrýhanaǵa jatqyzylǵan bolatyn. Syrqatyna baılanysty oǵan Avstralııada 15-16 qarashada ótken G-20 sammıtine qatysýdan bas tartýǵa týra keldi. Birneshe jyl buryn Kırshner qalqansha beziniń dertine ota jasatqan.
