Argentına prezıdenti 70 myń memlekettik qyzmetkerdi jumystan shyǵarmaqshy
BÝENOS-AIRES. KAZINFORM – Argentına prezıdenti Haver Mıleı aldaǵy aılarda 70 000 memlekettik qyzmetkerdi jumystan shyǵarýdy josparlap otyr. Bul týraly «La Politica Online» habarlady.
«Biz 50 myń memlekettik qyzmetkerdi jumystan shyǵardyq, olardyń kelisimsharttary buzyldy. Biz taǵy 70 myń memlekettik qyzmetkerdi jumystan shyǵaramyz», - dedi Argentına prezıdenti Latyn Amerıkasy ekonomısteriniń forýmynyń jabylýynda.
Basylymnyń jazýynsha, úkimet 31 naýryzda aıaqtalatyn on myńdaǵan «qajetsiz» kelisim-sharttan bas tartqysy keledi. 2023 jyldyń 27 jeltoqsanyndaǵy jaǵdaı boıynsha Argentına úkimeti 2023 jyly jumysqa qabyldanǵan 5000-nan astam memlekettik qyzmetshiniń kelisimshartyn jańartpaǵan. Qalǵandary 90 kún boıy tekserildi. Bul shara zańmen belgilengen kvota boıynsha jumysqa qabyldanǵan nemese «jumys úshin mańyzdy» dep sanalatyn qyzmetkerlerge áser etken joq.
Esterińizge sala keteıik, 53 jastaǵy ekonomıst Haver Mıleı Argentınada prezıdent saılaýynda jeńiske jetti. Ol Ortalyq bankti joıǵysy keletinine nazar aýdaryp, ulttyq valıýta retinde pesonyń ornyna AQSh dollaryn paıdalanýdy usyndy.