Argentına Palestınany 1967 jylǵy shekarasy boıynsha táýelsiz memleket dep tanydy
ASTANA. 7 jeltoqsan. QazAqparat - Argentına Palestınany 1967 jylǵy shekarasy boıynsha «erkin jáne táýelsiz» memleket» dep tanydy, dep habarlady RBK agenttigi.
Bul týraly latynamerıkandyq eldiń kóshbasshysy Krıstına Fernandes de Kırshner Palestına ulttyq ákimshiliginiń basshysy Mahmud Abbasqa hat joldady.
Argentına ókimet oryndary Býenos-Aırestiń Palestına avtonomııasyn tanýyn basqa da latynamerıkandyq mmemleketter qoldaǵanyn atap ótýde. 2010 jylǵy 3 jeltoqsanda Brazılııa da osyndaı sheshim qabyldaǵan bolatyn.
1967 jylǵy soǵys barysynda Shyǵys Ierýsalım Izraılge qosylǵan bolatyn. Avtonomııa basshylyǵy bolashaq táýelsiz Palestınanyń aýmaǵy Izraıl jaýlap alǵanǵa deıingi 1967 jylǵy shekara boıynsha bekitilýi, Shyǵys Ierýsalım palestınalyq astana bolýy tıis dep sanaıdy.
Eske sala keteıik, Palestına memleketi 1988 jylǵy 15 qarashada jarııalandy. Palestınany tolyq nemese ishinara memleket dep resmı túrde 100-den astam el tanyp otyr. AQSh, Ulybrıtanııa, Japonııa jáne Eýropalyq odaq elderiniń kóptegen bóligi onyń memlekettigin moıyndamaıdy
