Argentına maımyl sheshegin juqtyrdy degen kúdikpen júk kemesin karantınge japty

ASTANA. KAZINFORM – Argentına bıligi ekıpaj músheleri arasynda mpox vırýsyn juqtyrý kúdigine baılanysty júk kemesine karantın engizdi, dep habarlaıdy AZERTADJ. 

Argentına teńiz kúshteri lıgasynyń densaýlyq saqtaý mınıstrligi men ónerkásip organynyń málimetinshe, karantınge jatqyzylǵan Lıberııa týy bar keme Argentınanyń Santos qalasynan (Brazılııa) astyq tıeý úshin keldi.

Argentınanyń sanıtarlyq bıligine ekıpaj músheleriniń birinde maımyl sheshegine sáıkes keletin belgiler paıda bolǵany týraly habarlandy. Aýrýdyń taralýyn boldyrmaý úshin kemedegilerdi oqshaýlaý týraly sheshim qabyldandy. Dıagnozdy rastaý úshin ekıpaj múshelerinen synama alyndy.

Mınıstrliktiń habarlaýynsha, densaýlyq saqtaý salasyndaǵy tótenshe jaǵdaı hattamasy iske qosylǵan. Kemege tek medıtsına qyzmetkerleri ǵana otyra alady, al búkil ekıpaj synaq qorytyndylary alynǵansha karantınde bolýy kerek.

Mpox (maımyl sheshek) – negizinen ortalyq jáne batys Afrıkanyń shalǵaı aýdandarynda tropıkalyq ormandarǵa jaqyn jerlerde kezdesetin vırýstyq aýrý. Bul aýrýdy janýardan adamǵa juqtyrýdyń alǵashqy oqıǵasy 1970 jyly Kongo Demokratııalyq Respýblıkasynda tirkelgen.

Buǵan deıin 116 elde maımyldyń 99 myńnan astam rastalǵan jaǵdaıy tirkelgeni habarlanǵan bolatyn. Áýejaılar men Qazaqstan shekarasynda baqylaý sharalary kúsheıtildi. Qytaı da maımyl aýrýyna baılanysty shekaralyq baqylaýdy kúsheıtti. 

QR Densaýlyq saqtaý mınıstrligi álemdegi maımyl shesheginiń aǵymdaǵy jaǵdaıy týraly jáne elimizdiń aýmaǵynda ınfektsııanyń taralýyn boldyrmaý boıynsha qabyldanǵan sharalar týraly málimet jarııalady.