Argentına quramasynyń bas bapkeri óz qyzmetinen ketedi
ASTANA. QazAqparat - Argentına ulttyq quramasynyń bas bapkeri Alehandro Sabelıa Brazılııadaǵy álem chempıonaty aıaqtalǵan soń óz qyzmetinen ketedi. Bul týraly argentınalyq radıoda bergen suhbatynda 59 jastaǵy mamannyń agenti Eýhenıo Lopes málimdedi.
2011 jyly «albıselesteni» basqarǵan Sabelıa, sońǵy 24 jylda alǵash ret Argentına quramasyn álem chempıonatynyń fınalyna shyǵardy. Aqtyq synda olarmen nemis quramasy básekege túsetin bolady.
Bul synda komandasynyń bas júldege qol jetkizýi - jattyqtyrýshy úshin keter aldyndaǵy eń baǵaly syılyq bolar edi. Kezdesýge ıtalıandyq arbıtr Nıkola Rıtstsolı tórelik etedi.
Quramanyń bas bapkeri atanýdyń negizgi kandıdattary mamyr aıynda «Barselonadan» ketken Herardo Martıno jáne madrıdtik «Aletıkony» ıspanııa chempıony ataǵyn alýǵa septesken Dıego Sımeone.
Telam memlekettik jańalyqtar agenttigi habarlaǵandaı, Sabelemen jasasqan kelisimsharttyń merzimi álem chempıonatynan keıin aıaqtalady. Quramanyń bas jattyqtyrýshysy ketedi degen aqparatqa argentınalyqtar qýana qoımady.
«Bul týraly aqtyq synnyń aldynda jarııalaǵany burys boldy, - deıdi kóp jyl boıy jankúıer bolyp kele jatqan jáne óz tegin ataýdan bas tartqan Fakýndo. - Bul oıynshylar úshin jaǵymsyz jańalyq. Psıhologııalyq turǵyda olarǵa qıyn bolady».
«Sabelıa ózgeler kóp jyldar boıy baǵyndyra almaǵan belesti baǵyndyrdy, - deıdi Argentına quramasynyń taǵy bir jankúıeri. - Ol daryndy oıynshylardy bir topqa biriktirip, naǵyz komandany qurastyrdy. Aqtyq synnyń nátıjesine qaramastan bul sheshimnen bas tartsa eken».
Sabelıanyń ózi Ole gazetine bergen suhbatynda «Marakanedegi» kezdesý týraly ǵana oılap jatqanyn aıtqan. «Meniń bolashaǵym - álem chempıonatynda oınaıtyn kelesi oıynymyz. Búginde ózge jaǵdaılar týraly oılaýǵa bolmaıdy degen pikirdemin», - dedi bas jattyqtyrýshy.
