Argentına quramasynyń 100 myńǵa jýyq jankúıeri shırek fınaldy tamashalaý úshin Brazılıaǵa barmaq
ASTANA. QazAqparat - Brazılııa astanasy taıaý kúnderi Argentına quramasy jankúıerleriniń nópiri astynda qalmaq. Fýtboldan álem chempıonatynyń senbi kúni ótetin shırek fınalynda Belgııa men Argentına quramasy kezdesedi.
Osy oıyndy tamashalaý úshin shamamen 100 myń argentınalyq Brazılıaǵa aǵylmaq, dep habarlady sheteldik BAQ.
Bastapqyda Argentına quramasynyń jankúıeri 20-30 myń adam bolatyndyǵy josparlanǵan bolatyn. Alaıda sál keıinirek bul san 50 myńǵa jetken edi. Al endigi ýaqytta Brazılıa polıtsııasy Argentınadan keletin 100 myń jankúıerdiń babyn tabý úshin shuǵyl qyzmetke kirisýde.
Kezdesý ótetin «Mane Garrınch» stadıonyna 70 myń kórermen syıady. Sol sebepti, argentınalyq jankúıerlerdiń jartysy jasyl alańdaǵy oıyndy teledıdardan ne bolmasa stadıonǵa birneshe shaqyrym jerge ornatylǵan alyp ekrannan tamashalaıdy.
Aıta keterligi, Brazılııa elordasyna keletin belgııalyq jankúıerlerdiń sany áldeqaıda az bolatyndyǵy kútilýde.
