Argentına quramasynyń jeńilisi Býenos-Aırestegi tártipsizdikterge ulasty
ASTANA. KAZINFORM — Argentına quramasynyń álem chempıonatynyń fınalyndaǵy jeńilisinen keıin Býenos-Aıreste jappaı tártipsizdikter bastaldy, dep habarlaıdy The Business Standard.
Argentına astanasyndaǵy fýtbol saltanattarynyń dástúrli orny — Býenos-Aıres ortalyǵyndaǵy Obelıskke myńdaǵan jankúıer fınaldyq matchty kórý úshin jınaldy.
Alǵashynda matchty tynysh baqylaǵan jankúıerler, tún ortasy aýǵanda eskertkish mańyndaǵy qaýipsizdik qorshaýyn buzyp ótýge tyrysty.
🚨 #ALERTA | La policía dispersa a las personas en medio de disturbios en el Obelisco de Buenos Aires, Argentina. Hay 12 detenidos. pic.twitter.com/3eCjSziLae
— Mundo en Conflicto 🌎 (@MundoEConflicto) July 20, 2026
Keıbir narazylyq bildirýshiler polıtsııaǵa shyny bótelke men basqa da zattar laqtyryp, sońy ýshyǵyp ketti. Quqyq qorǵaý organdary jınalǵandardy taratý úshin kózden jas aǵyzatyn gaz qoldanýǵa májbúr boldy.
Qaqtyǵys saldarynan polıtsııa kem degende 15 adamdy ustady. Birneshe adam jaraqat aldy.
Aıta keteıik, Argentına quramasy 2026 jylǵy álem chempıonatynyń fınalynda Ispanııadan jeńilip, álem chempıonatynyń tıtýlyn qorǵaı almady.
