Argentına dıktatoryn 25 jylǵa bas bostandyǵynan aıyrdy
ASTANA. Sáýirdiń 21-i. QazAqparat - Argentına soty eń sońǵy áskerı dıktator, eldi 1982-83 jyldary basqarǵan Reınaldo Bınoneni adamgershilikke qarsy jasaǵan qylmysy úshin 25 jylǵa sottady, dep habarlaıdy sársenbi kúni Infobae jergilikti ǵalamtor-basylymy. 82 jasar Bınone jáne 6 qyzmetten ketken áskerıler men polıtsııa qyzmetkerlerine qarsy sot úderisi 2009 jyldyń qarashasynda Býenos-Aıreste bastalǵan.
RIA «Novostı» agenttiginiń habarlaýynsha, Bınonge jáne onyń burynǵy serikterine taǵylyp otyrǵan aıyptyń basty pýnkti áskerı hýnta jyldary (1976-1983) qupııa túrmeler ornalasqan Argentına astanasynyń mańyndaǵy Kampo-de Maıo áskerı bazasynda adam quqyǵynyń buzylǵandyǵy bolyp otyr.
Іske qatysty alty áskerıdiń ekeýi general Bınone sııaqty 25 jylǵa túrmege jabylsa, úsheýin sot 20,18 jáne 17 jylǵa bas bostandyǵynan aıyrdy. Aıyptalýshylardyń bireýi - eks-polıtseı Herman Montenegro sotta aqtalyp shyqty.
