Argentına BUU Bas hatshysy laýazymyna resmı túrde óz kandıdatyn usyndy

ASTANA. KAZINFORM — Argentına úkimeti BUU Bas hatshysy laýazymyna Atom energııasy jónindegi halyqaralyq agenttiktiń (MAGATE) dırektory Rafael Grossıdi resmı túrde usyndy. Bul týraly Ońtústik Amerıkanyń Syrtqy ister mınıstrligi habarlady, dep jazdy TASS.

— Argentına Respýblıkasy 2027-2031 jyldar aralyǵyndaǵy Birikken Ulttar Uıymynyń Bas hatshysy laýazymyna MAGATE-niń qazirgi bas dırektory Rafael Grossıdiń kandıdatýrasyn usyný qurmetine ıe, — delingen habarlamada.

Argentına bıliginiń pikirinshe, Grossı qaqtyǵystar men kúrdeli halyqaralyq daǵdarystar jaǵdaıynda dıplomatııalyq dıalogty ilgeriletýge qabiletti. Sondyqtan ony BUU Bas hatshysy qyzmetine laıyqty úmitker retinde usyndy.

Buǵan deıin dúnıejúzilik uıymnyń Bas hatshysyn saılaý kelesi jyldyń shilde aıynyń sońyna josparlanǵanyn jarııaladyq. Bul laýazymǵa úmitker bolýǵa eki adam qyzyǵýshylyq tanytqan. Birinshisi, osy Atom energııasy jónindegi halyqaralyq agenttiktiń basshysy Rafael Grossı bolsa, ekinshisi BUU Saýda jáne damý konferentsııasynyń Bas hatshysy Rebekka Grınspan.