Argentına bastaǵan tórt memleket 2030 jylǵy álem chempıonatyn ótkizýge ótinim berdi

ASTANA. QazAqparat – Argentına, Ýrýgvaı, Chılı jáne Paragvaı elderi fýtboldan 2030 jylǵy álem chempıonatyn ótkizýge ótinim berdi. Bul týraly Argentına fýtbol federatsııasynyń basshysy Klaýdıo Tapıa málim etti, dep habarlaıdy QazAqparat tilshisi.

Argentına fýtbol federatsııasynyń baspasóz qyzmetinen málim etkenindeı, bul atalmysh tórt eldiń tarıhyndaǵy mańyzdy oqıǵa bolmaq.

«Álem kýbogynyń 100 jyldyǵy qarsańynda biz ony taǵy da ótkizýdi armandaımyz. Biz, ońtústikamerıkalyqtar, fýtbolmen ómir súremiz. Bul úlken mindetteme ekendigin bilemiz. Argentına, Ýrýgvaı, Paragvaı jáne Chılıdiń 2030 jylǵy álem chempıonatyn ótkizýge laıyq ekendigin búkil álemge dáleldeımiz», dedi K.Tapıa.

Argentınanyń ótken jyly Qatardaǵy álem chempıonatynyń jeńimpazy atanǵany málim.

Kelesi dúnıejúzilik birinshilik 2026 jyly AQSh pen Meksıkada ótedi.

Eske sala keteıik, budan buryn Krıshtıaný Ronaldýdiń Saýd Arabııasynyń fýtbolyna qandaı ózgeris ákelgenin jazǵan bolatynbyz.

Sondaı-aq Lıonel Messı Ońtústik Amerıkanyń úzdik oıynshysy atandy.

Foto – Shampionat.com