Argentına álemde alǵashqy bolyp genetıkalyq túrlendirilgen bıdaıdy maquldady
BÝENOS-AIRES. QazAqparat – Argentına genetıkalyq túrlendirilgen bıdaıdy maquldaǵan álemdegi alǵashqy el boldy, dep habarlaıdy QazAqparat France24-ke silteme jasap.
Beısenbi kúni jarııalanǵan Aýyl sharýashylyǵy mınıstrliginiiń málimdemesinde Bioceres bıotehnologııalyq kompanııasy, CONICET Ǵylym jáne tehnologııalar jónindegi ulttyq komıssııasy jáne Ulttyq ýnıversıtet ázirlegen HB4 jańa qurǵaqshylyqqa tózimdi bıdaı sortynyń qabyldanǵany týraly habarlandy.
Osylaısha Argentına genetıkalyq túrlendirilgen bıdaıdy ósirýdi jáne tutynýdy maquldaǵan álemdegi alǵashqy memleket boldy.
Argentınalyq bıdaıdyń basym bóligi shamamen 45%-ǵa jýyǵy Brazılııaǵa eksporttalady. Sondyqtan qazir Argentına kórshiles elde de genetıkalyq túrlendirilgen bıdaıdyń maquldaýyna múddeli, delingen komıssııanyń málimdemesinde.
«Argentınanyń HB4 bizdiń bıdaıymyzdy maquldaýy ónimniń aıtarlyqtaı ósýi men bizdiń tehnologııa usynatyn ekologııalyq artyqshylyqtardy eskere otyryp, osy mańyzdy daqyldyń óndirisi men satylymynyń búkil jahandyq júıesi úshin jańa múmkindikter ashady», - dep habarlady Bioceres bas dırektory Federıko Trýkko.
Bıdaıdyń HB4 surypyn qurǵaqshylyq jaǵdaıynda synap kórgen on jyl ishinde ónimdilik orta eseppen 20 paıyzǵa ósti.
